“Marigold, Cowslip – Morris & Co” hefur verið bætt í vörukörfuna þína. Skoða körfu

Owl & Willow, Bayleaf/Orange - Morris & Co

88.547 kr.

Owl & Willow, Bayleaf/Orange – Morris & Co

Enski fjöllistamaðurinn William Morris, sem var í fararbroddi í list- og handíðahreyfingunni (Arts and Crafts) á 19. öld, er sérstaklega þekktur fyrir veggfóðurshönnun sína. Áherslur hans voru á náttúruleg form og lífræna hönnun í daglegu lífi almennings, með stílfærðum blómum, plöntum, fuglum, ávöxtum og fleiri náttúrumótífum. Þessi mikli hugsjónamaður skildi eftir sig um 50 mynstur sem höfðu mikil áhrif á innanhússhönnun almennt, t.d. gætir áhrifa hans greinilega í Art Nouveau, sem er beinn forveri Art Deco stílsins. Fingraför Morris eru greinileg í mynsturgerð enn þann dag í dag enda hefur hann oft verið nefndur faðir veggfóðursins.

Heillandi dýralíf, stílfærð tré og fíngerð blóm sameinast í þessari töfrandi heilmynd. Við sjáum fagra hesta spóka sig, ljón sem laumast og læk sem liðast fagurlega um. Ljóst er að dulúðin er í aðalhlutverki hér – velkomin í land ævintýranna!

Owl & Willow veggfóðrið er heilmynd og kemur í þremur 68,5 cm lengjum. Breidd myndar er 205,5 cm og hæð 300 cm. Við mælum með að bæta um 5 cm við breidd og hæð í pöntun því veggir eru oft skakkir. Owl & Willow er úr blöndu af pappír og gervitrefjum (non-woven) sem þenst ekki út í límingu og er auðvelt að ná af veggnum seinna meir. Athugið að mælt er með að setja límið á vegginn. Þrífið límbletti af framhlið með hreinu vatni og mjúkum svampi ÁÐUR en límið þornar. Lesið leiðbeiningar vel eða fáið fagmann í verkið.

Leiðbeiningar fyrir veggfóður með non-woven bakhlið

88.547 kr.

Í boði sem biðpöntun