Simply Severn Bayleaf/Annatto – Morris & Co

Enski fjöllistamaðurinn William Morris, sem var í fararbroddi í list- og handíðahreyfingunni (Arts and Crafts) á 19. öld, er sérstaklega þekktur fyrir veggfóðurshönnun sína. Áherslur hans voru á náttúruleg form og lífræna hönnun í daglegu lífi almennings, með stílfærðum blómum, plöntum, fuglum, ávöxtum og fleiri náttúrumótífum. Þessi mikli hugsjónamaður skildi eftir sig um 50 mynstur sem höfðu mikil áhrif á innanhússhönnun almennt, t.d. gætir áhrifa hans greinilega í Art Nouveau, sem er beinn forveri Art Deco stílsins. Fingraför Morris eru greinileg í mynsturgerð enn þann dag í dag enda hefur hann oft verið nefndur faðir veggfóðursins.

Severn veggfóðursmynstrið, sem er aðeins stærra í umfangi en hliðstæða og forveri þess í textíl, var upphaflega prentað á vinnustofu Morris í Suður London. Mynstrið er byggt upp af súlublómalaufum sem ramma inn stór útsprungin blómahöfuð og er dæmigert fyrir uppbyggingu margra af þekktustu blómalistaverkum Morris. Það er eitthvað fagurt og fornt við þetta veðraða en þó mjög svo glæsilega mynstur. Það er fáanlegt í nokkrum fallegum litasamsetningum.

Severn er úr blöndu af pappír og gervitrefjum (non-woven) sem þenst ekki út í límingu og er auðvelt að ná af veggnum seinna meir. Athugið að mælt er með að setja límið á vegginn. Þrífið límbletti af framhlið með hreinu vatni og mjúkum svampi ÁÐUR en límið þornar. Lesið leiðbeiningar vel eða fáið fagmann í verkið.

Leiðbeiningar fyrir veggfóður með non-woven bakhlið

37.186 kr. rúlluverð

Í boði sem biðpöntun

Rúllubreidd: 52 cmRúllulengd: 10,05 mMynsturhæð: 68,6 cm

Áætla rúllufjölda

Breidd veggjar

Hæð veggjar

Rúllubreidd

Rúllulengd

Mynsturhæð

Niðurstöður

Endilega stimplið tölur í reiknivélina 2.1 sem verða 3 rúllarúllurlengdarmetrar
Heildarverð:

SÉRPÖNTUN - EKKI SKILAVARA: Reiknivélin metur u.þ.b. það magn af veggfóðri sem þú þarfnast miðað við þínar mælingar. Sérefni taka ekki ábyrgð á ofáætlun eða skorti á veggfóðursmagni á grundvelli þessara útreikninga þar sem of margir þættir geta spilað inn í efnisþörf. Þar má nefna ónákvæmar mælingar, dyr, glugga, mynsturgerð, mistök í uppsetningu og fleira. Ef flókið er að finna út magn mælum við með að ráðfæra sig við fagmann áður en pantað er.