“Wallflower Chrysanthemum Pink – Morris & Co” hefur verið bætt í vörukörfuna þína. Skoða körfu

Trent Wallpaper Teal - Morris & Co

41.855 kr. lengdarmetraverð

Trent Wallpaper Teal – Morris & Co

Enski fjöllistamaðurinn William Morris, sem var í fararbroddi í list- og handíðahreyfingunni (Arts and Crafts) á 19. öld, er sérstaklega þekktur fyrir veggfóðurshönnun sína. Áherslur hans voru á náttúruleg form og lífræna hönnun í daglegu lífi almennings, með stílfærðum blómum, plöntum, fuglum, ávöxtum og fleiri náttúrumótífum. Þessi mikli hugsjónamaður skildi eftir sig um 50 mynstur sem höfðu mikil áhrif á innanhússhönnun almennt, t.d. gætir áhrifa hans greinilega í Art Nouveau, sem er beinn forveri Art Deco stílsins. Fingraför Morris eru greinileg í mynsturgerð enn þann dag í dag enda hefur hann oft verið nefndur faðir veggfóðursins.

Trent er áhrifamikið blómaveggfóður með stórum blómamótífum sem stillt er upp á móti ríkulegum bakgrunni af blágrænum og djúpbláum tónum. Trent var upprunalega hannað fyrir textíl en prentað fyrst á veggfóður árið 1888 með því fororði að þetta væri dýrasti prentaði textíll í sögu Morris & Co. En þá var prentun að sjálfsögðu mjög flókið handverk. Trent birtist hér í fyrsta sinn í marga áratugi sem hluti af hönnunarlínu fyrir safnið Emery Walker´s House – en Sir Emery Walker var virtur leturgerðarmaður, bókaprentari og náinn vinur William Morris.

Trent er úr blöndu af pappír og gervitrefjum (non-woven) sem þenst ekki út í límingu og er auðvelt að ná af veggnum seinna meir. Athugið að mælt er með að setja límið á vegginn. Þrífið límbletti af framhlið með hreinu vatni og mjúkum svampi ÁÐUR en límið þornar. Lesið leiðbeiningar vel eða fáið fagmann í verkið.

Lágmarkspöntun er 3m². Við mælum með að bæta um 5 cm við breidd og hæð því veggir eru oft skakkir.

Leiðbeiningar fyrir veggfóður með non-woven bakhlið

41.855 kr. lengdarmetraverð

Í boði sem biðpöntun

Rúllubreidd: 136 cmMynsturhæð: 108,5 cm

Áætla fjölda lengdarmetra

Breidd veggjar

Hæð veggjar

Rúllubreidd

Mynsturhæð

Niðurstöður

Endilega stimplið tölur í reiknivélina 2.1 sem verða 3 rúllarúllurlengdarmetrar
Heildarverð:

SÉRPÖNTUN - EKKI SKILAVARA: Reiknivélin metur u.þ.b. það magn af veggfóðri sem þú þarfnast miðað við þínar mælingar. Sérefni taka ekki ábyrgð á ofáætlun eða skorti á veggfóðursmagni á grundvelli þessara útreikninga þar sem of margir þættir geta spilað inn í efnisþörf. Þar má nefna ónákvæmar mælingar, dyr, glugga, mynsturgerð, mistök í uppsetningu og fleira. Ef flókið er að finna út magn mælum við með að ráðfæra sig við fagmann áður en pantað er.